പ്രധാനമന്ത്രി നരേന്ദ്ര മോദി ജനങ്ങളെ വഞ്ചിക്കുകയാണെന്ന് കോണ്ഗ്രസ് അധ്യക്ഷന് രാഹുല് ഗാന്ധി. ഓരോ വര്ഷവും രണ്ട് കോടി തോഴില് അവസരങ്ങള് സൃഷ്ടിക്കുമെന്നും അക്കൗണ്ടില് 15 ലക്ഷം രൂപ വീതം ഇടുമെന്നും വാഗ്ദാനം ചെയ്ത മോദി ജനങ്ങളെ വഞ്ചിച്ചിരിക്കുകയാണെന്ന് രാഹുല് ആരോപിച്ചു. മധ്യപ്രദേശിലെ സാഗറില് തെരഞ്ഞെടുപ്പ് റാലിയില് സംസാരിക്കുകയായിരുന്നു അദ്ദേഹം. വിദേശത്തുനിന്നും കള്ളപ്പണം പിടിച്ചെടുത്ത് 15 ലക്ഷം രൂപ വീതം അക്കൗണ്ടില് ഇടുമെന്നായിരുന്നു മോദിയുടെ വാഗ്ദാനം. 2014 ലോക്സഭാ തെരഞ്ഞെടുപ്പില് മോദി പ്രധാനമായും ഉയര്ത്തിക്കാട്ടിയത് ഇതായിരുന്നു. എന്നാല് മോദി ജനങ്ങളെ വഞ്ചിക്കുകയായിരുന്നു. വരുന്ന ലോക്സഭാ തെരഞ്ഞെടുപ്പിലെ പരാജയ ഭീതിയില് മോദി വിദ്വേഷത്തിന്റെ വാക്കുകളാണ് പറയുന്നത്. അദ്ദേഹം മോശം വാക്കുകളും നുണയും പറയുന്നു. ജനങ്ങള്ക്കും യുവാക്കള്ക്കും അദ്ദേഹത്തിലുള്ള വിശ്വാസം തകര്ന്നു. ഇപ്പോള് മോദി എവിടെയെത്തിയാലും അദ്ദേഹം സംസാരിക്കുന്നത് നുണയാണെന്ന് ജനം പറയുന്നു- രാഹുല് പറഞ്ഞു.
മോദി ജനങ്ങളെ വഞ്ചിക്കുകയാണെന്ന് കോണ്ഗ്രസ് അധ്യക്ഷന് രാഹുല് ഗാന്ധി
RELATED ARTICLES