സർക്കാരിന്റേതുൾപ്പെടെ അഞ്ചൂറോളം വെബ്സൈറ്റുകൾ ഹാക്ക് ചെയ്ത രണ്ട് കാഷ്മീരി വിദ്യാർഥികൾ അറസ്റ്റിൽ. പഞ്ചാബിൽനിന്നാണ് ഇവർ അറസ്റ്റിലായത്. പഞ്ചാബിലെ രാജ്പുരയിൽ സിഎസ്ഇ വിദ്യാർഥിയായ ഷാഹിദ് മല്ല, ജലന്ധറിൽ ബിസിഎ അവസാന വർഷ വിദ്യാർഥിയായ ആദിൽ ഹുസൈൻ എന്നിവരാണ് പിടിയിലായത്. കാഷ്മീരിലെ ബാരാമുള്ള, അന്ദ്നാഗ് ജില്ലക്കാരാണ് ഇവർ. രഹസ്യവിവരത്തെ തുടർന്ന് ഡൽഹി പോലീസിന്റെ സൈബർ വിഭാഗം ഇവർ താമസിച്ചിരുന്ന വാടക വീട്ടിൽ റെയ്ഡ് നടത്തിയാണ് ഇരുവരേയും പിടികൂടിയത്. ദേശവിരുദ്ധ ഹാക്കിംഗ് സംഘമായ ടീം ഹാക്കേഴ്സ് തേർഡ് ഐ എന്ന സംഘത്തിലെ അംഗങ്ങളാണ് ഇവരെന്ന് പോലീസ് പറഞ്ഞു.
അഞ്ചൂറോളം വെബ്സൈറ്റുകൾ ഹാക്ക് ചെയ്ത രണ്ട് പേർ അറസ്റ്റിൽ
RELATED ARTICLES