മുഖ്യമന്ത്രിയുടെ ദുരിതാശ്വാസനിധിയിലേക്ക് തിങ്കളാഴ്ച വൈകിട്ട് ഏഴുവരെ സംഭാവന ലഭിച്ചത് 713.92 കോടി രൂപ. സ്റ്റേറ്റ് ബാങ്ക് ഓഫ് ഇന്ത്യയിലെ അക്കൗണ്ടില് നിക്ഷേപമായി 518.24 കോടി രൂപ ലഭിച്ചു. തിങ്കളാഴ്ച മുഖ്യമന്ത്രിയുടെ ഓഫീസില് മാത്രം ചെക്കുകളും ഡ്രാഫ്റ്റുകളുമായി 20 കോടി രൂപ ലഭിച്ചിട്ടുണ്ട്. അവധി ദിവസങ്ങളില് മറ്റു ഓഫീസുകളില് ലഭിച്ച ചെക്കുകളും മറ്റും ഇതില് ഉള്പ്പെടുത്തിയിട്ടില്ല. ഇതുവരെ 3.91 ലക്ഷം പേര് ഓണ്ലൈനായി സംഭാവന നല്കി. donation.cmdrf.kerala.gov.in എന്ന വെബ്സൈറ്റ് വഴിയാണ് രാജ്യത്തിനകത്തും പുറത്തുമുള്ളവര്ക്ക് ഓണ്ലൈനായി പണമടയ്ക്കാനുള്ള സംവിധാനം ഏര്പ്പെടുത്തിയിട്ടുള്ളത്. നേരത്തെയുള്ള എട്ട് ബാങ്കുകള്ക്ക് പുറമേ ഐഡിബിഐ ബാങ്ക്, ഇന്ത്യന് ഓവര്സീസ് ബാങ്ക്, ആക്സിസ് ബാങ്ക്, പഞ്ചാബ് നാഷണല് ബാങ്ക് എന്നിവയുടെ പേമെന്റ് ഗേറ്റ്-വേകളും, റേസര് പേ ഗേറ്റ്-വേ വഴിയും ഇപ്പോള് പണമടയ്ക്കാം.