മധ്യപ്രദേശിലെ ശിവപുരിയില്‍ സ്‌കൂള്‍ വിദ്യാര്‍ത്ഥിനിയെ പീഡിപ്പിക്കാനും തട്ടിക്കൊണ്ടുപോകാനും ശ്രമിച്ച യുവാവ് അറസ്റ്റില്‍. പത്തുവയസുകാരിയെ യുവാവ് കടന്നുപിടിക്കുന്ന സിസിടിവി ദൃശ്യങ്ങള്‍ കഴിഞ്ഞ ദിവസം പുറത്തുവന്നിരുന്നു. പെയിന്റിംഗ് തൊഴിലാളിയാണ് പെണ്‍കുട്ടിയെ പട്ടാപ്പകല്‍ പീഡിപ്പിക്കാന്‍ ശ്രമിച്ചത്.വീടിന് പുറത്ത് സൈക്കിളുമായി നില്‍ക്കവെയാണ് പെണ്‍കുട്ടിയെ ഇയാള്‍ സമീപിക്കുന്നത്. തുടര്‍ന്ന് എന്തൊക്കെയോ ആരാഞ്ഞശേഷം കയറിപ്പിടിക്കുകയും കൂടെക്കൂട്ടാന്‍ ശ്രമിക്കുകയുമായിരുന്നു. ഒരാള്‍ ഇത് കണ്ടുനില്‍ക്കുന്നതും ഇടപെടാതെ നടന്നുപോകുന്നതും സിസിടിവിയില്‍ പതിഞ്ഞിരുന്നു. ഇയാളെയും അറസ്റ്റ് ചെയ്തിട്ടുണ്ട്. പെണ്‍കുട്ടിയുടെ സ്വകാര്യ ഭാഗങ്ങളില്‍ സ്പര്‍ശിക്കാന്‍ അക്രമി ശ്രമിക്കുന്നത് ദൃശ്യങ്ങളില്‍ വ്യക്തമാണ്. എന്നാല്‍ ഭയചകിതയായ പെണ്‍കുട്ടി ഉടന്‍ വീട്ടിനകത്തേക്ക് ഓടി രക്ഷപ്പെടുകയായിരുന്നു.
10 വയസുകാരിയെ പെയിന്റിംഗ് തൊഴിലാളി പട്ടാപ്പകല്‍ പീഡിപ്പിക്കാന്‍ ശ്രമിച്ചു
RELATED ARTICLES
