ഹിലരി ക്ലിന്റന്റെ ഇമെയിലുകള് ഹാക്ക് ചെയ്തെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ ആരോപണം ചൈന നിഷേധിച്ചു. രഹസ്യ വിവരങ്ങള് അറിയാന് ഒരുതരത്തിലുള്ള സൈബര് ആക്രമണങ്ങളും ചൈന നടത്തിയിട്ടില്ലെന്ന് ചൈനീസ് വിദേശകാര്യമന്ത്രാലയ വക്താവ് ഹുവ ചുനിയിംഗ് പറഞ്ഞു. ആദ്യമായാണ് ഇത്തരത്തിലൊരു ആരോപണം കേള്ക്കുന്നത്. സൈബര് സുരക്ഷയ്ക്കായി ശക്തിയുക്തം വാദിക്കുന്ന രാജ്യമാണ് ചൈന. ഒരുതരത്തിലുള്ള സൈബര് ആക്രമണങ്ങളും തങ്ങള് നടത്തിയിട്ടില്ല. അന്താരാഷ്ട്ര സമൂഹം ശക്തമായി സൈബര് സുരക്ഷാ ഭീഷണികളോട് പ്രതികരിക്കണമെന്ന് വാദിക്കുന്ന രാജ്യമാണ് ചൈനയെന്നും ഹുവ പറഞ്ഞു. കഴിഞ്ഞ ദിവസമാണ് ഹിലരിയുടെ ഇ മെയില് ചൈന ഹാക്ക് ചെയ്തെന്ന് ട്രംപ് ആരോപിച്ചത്. എഫ്ബിഐയും നീതിന്യായ വകുപ്പും ഇക്കാര്യം അന്വേഷിക്കണമെന്നും ട്രംപ് ആവശ്യപ്പെട്ടിരുന്നു.
ഹിലരി ക്ലിന്റന്റെ ഇമെയിലുകള് ഹാക്ക് ചെയ്തെന്ന ട്രംപിന്റെ ആരോപണം ചൈന നിഷേധിച്ചു
RELATED ARTICLES