പെരിയ ഇരട്ടക്കൊലക്കേസ് സിബിഐ.ക്ക് വിട്ട ഹൈക്കോടതി വിധി സ്വാഗതം ചെയ്യുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. കേസ് അട്ടിമറിക്കാനുള്ള നീക്കം ഇതോടെ പുറത്തുവന്നെന്നും ഹൈക്കോടതി വിധിക്കെതിരെ അപ്പീലിന് പോകാനാണ് സര്ക്കാരിന്റെ നീക്കമെങ്കില് ജനം പ്രതിരോധിക്കുമെന്നും അദ്ദേഹം പറഞ്ഞു.
പെരിയ കേസില് അന്വേഷണം വഴിതിരിച്ചുവിടാനും പ്രതികളെ രക്ഷിക്കാനും മുഖ്യമന്ത്രിയുടെ നേതൃത്വത്തില് നടന്ന ഗൂഢാലോചനയാണിത്. കേസ് അട്ടിമറിക്കാന് ശ്രമിച്ചെന്ന് തെളിഞ്ഞു. കേരളത്തെ നടുക്കിയ കൊലപാതകത്തിന് ഉത്തരവാദികളായവരെ സംരക്ഷിക്കാന് ശ്രമിച്ച മുഖ്യമന്ത്രി കേരളത്തോട് കടുത്ത ദ്രോഹമാണ് ചെയ്തത്- പ്രതിപക്ഷ നേതാവ് കൂട്ടിച്ചേര്ത്തു.