മുന് ധനമന്ത്രി പി.ചിദംബരത്തെ എയര്സെല്-മാക്സിസ് കേസുമായി ബന്ധപ്പെട്ട് ചോദ്യം ചെയ്യാന് കസ്റ്റഡിയില് വേണമെന്ന് എന്ഫോഴ്സ്മെന്റ് ഡയറക്ടറേറ്റ്. അന്വേഷണവുമായി പി.ചിദംബരം സഹകരിക്കുന്നില്ലെന്ന് കാണിച്ചാണ് ഇ ഡിയുടെ ആവശ്യം. ചിദംബരത്തിന്റെ മുന്കൂര് ജാമ്യാപേക്ഷ പരിഗണിക്കുന്ന ഡല്ഹി കോടതിയിലാണ് ഇ.ഡി നിലപാട് അറിയിച്ചത്.
അന്വേഷണവുമായി പി.ചിദംബരം സഹകരിക്കുന്നില്ലെന്ന് എന്ഫോഴ്സ്മെന്റ് ഡയറക്ടറേറ്റ് കോടതിയില് വ്യക്തമാക്കി. നേരത്തെ, നവംബര് ഒന്ന് വരെ ചിദംബരത്തെ അറസ്റ്റ് ചെയ്യുന്നതില് നിന്ന് ഇ.ഡിയെ കോടതി വിലക്കിയിരുന്നു. ഈ കാലാവധി നാളെ അവസാനിക്കുന്ന സാഹചര്യത്തില് കൂടിയാണ് ചിദംബരത്തെ ഇ ഡി കസ്റ്റഡിയില് ആവശ്യപ്പെട്ടത്. അതേസമയം, ചിദംബരത്തിന്റെ മുന്കൂര് ജാമ്യാപേക്ഷ പരിഗണിക്കുന്നതിനായി മാറ്റി. കേസില് ചിദംബരത്തെ കൂടാതെ മകന് കാര്ത്തി ചിദംബരവും പ്രതിയാണ്. ഒക്ടോബര് 25ന് കേസിന്റെ കുറ്റപത്രം സമര്പ്പിച്ചിരുന്നു.