രാജ്യത്തിന്റെ അതിര്ത്തി സംരക്ഷണത്തിന് ഏറ്റവും നൂതനമായ സാങ്കേതികവിദ്യ പ്രയോജനപ്പെടുത്തുമെന്ന വെളിപ്പെടുത്തലുമായി കേന്ദ്ര ആഭ്യന്തരമന്ത്രി രാജ്നാഥ് സിംഗ്. ഇന്റര്ഗ്രേറ്റഡ് ബോര്ഡര് മാനേജ്മെന്റ് സിസ്റ്റം നടപ്പാക്കാനാണ് തീരുമാനിച്ചിരിക്കുന്നതെന്ന് രാജസ്ഥാനിലെ ബൈക്കനറില് ബിഎസ്എഫ് ജവാന്മാരെ അഭിസംബോധന ചെയ്ത് സംസാരിക്കവെ അദ്ദേഹം പറഞ്ഞു. പുതിയ സാങ്കേതികവിദ്യയില് ദിവസം മുഴുവന് ജവാന്മാര് അതിര്ത്തിയില് കാവല്നില്ക്കുന്ന രീതി മാറുമെന്നും രാജ്നാഥ് സിംഗ് പറഞ്ഞു. ജമ്മുവില് ഇതിന്റെ ആദ്യഘട്ടം നടപ്പിലാക്കിയതായും രാജ്നാഥ് സിംഗ് അറിയിച്ചു. അതിര്ത്തിയില് വേലികെട്ടി ജവാന്മാര് കാവല് നില്ക്കുന്നത് പൂര്ണമായും ഫലവത്താകാത്തതിനാലാണ് പുതിയ സാങ്കേതികവിദ്യ പരീക്ഷിക്കുന്നത്. ഇന്റര്ഗ്രേറ്റഡ് ബോര്ഡര് മാനേജ്മെന്റ് സിസ്റ്റം പ്രകാരം അതിര്ത്തിയിലെ വിവരങ്ങള് കമാന്ഡ് ആന്ഡ് കണ്ട്രോള് റൂമിലിരുന്ന് വീക്ഷിക്കാമെന്നും രാജ്നാഥ് സിംഗ് പറഞ്ഞു
ജവാന്മാര് അതിര്ത്തിയില് കാവല് നില്ക്കുന്ന രീതി മാറുമെന്ന് കേന്ദ്ര ആഭ്യന്തരമന്ത്രി രാജ്നാഥ് സിംഗ്
RELATED ARTICLES