മഹാരാഷ്ട്രയിലെ പാല്‍ഘറില്‍ ആറുവയസ്സുകാരിയെ ഉപദ്രവിച്ചെന്ന് ആരോപിച്ച് വാച്ച്മാനെ സ്ത്രീകള്‍ ഉള്‍പ്പെടെയുള്ള ജനക്കൂട്ടം തല്ലിച്ചതച്ച് നഗ്നനാക്കി തെരുവിലൂടെ നടത്തി. ഞായറാഴ്ച രാത്രി ബോലിഞ്ചിലാണ് സംഭവം. പാല്‍ഘര്‍ ജില്ലയിലെ വിരാര്‍ ഏരിയയിലെ റെസിഡന്‍ഷ്യല്‍ കോംപ്ലക്‌സിലെ 22കാരനായ വാച്ച്മാനെയാണ് സ്ത്രീകളും മര്‍ദ്ദിച്ചു വിവസ്ത്രനാക്കി തെരുവുചുറ്റിച്ചത്. മര്‍ദ്ദനമേറ്റ വാച്ച്മാന്‍ ആശുപത്രിയിലാണെന്നും യുവാവിനെതിരേ പോക്‌സോ നിയമപ്രകാരം കേസെടുത്തതായും അര്‍ണാല സ്റ്റേഷനിലെ സീനിയര്‍ പോലിസ് ഇന്‍സ്‌പെക്ടര്‍ അപ്പാര്‍ സാഹേബ് ലെങ്‌ഗ്രെ പറഞ്ഞു. ശനിയാഴ്ച വൈകീട്ട് ആറോടെ ട്യൂഷന്‍ സെന്ററില്‍ നിന്നു മടങ്ങുന്നതിനിടെയാണ് പെണ്‍കുട്ടിയുടെ സ്വകാര്യഭാഗങ്ങളില്‍ സ്പര്‍ശിച്ച് യുവാവ് ഉപദ്രവിച്ചതെന്നു മാതാവ് പരാതിയില്‍ വ്യക്തമാക്കി. ഞായറാഴ്ചയാണ് പോലിസില്‍ പരാതി നല്‍കിയത്. അതേസമയം, വാച്ച്മാനെ ആക്രമിച്ച സംഭവത്തില്‍ ആര്‍ക്കെതിരേയും കേസെടുത്തിട്ടില്ലെന്നും പോലിസ് പറഞ്ഞു.
ആറുവയസ്സുകാരിയുടെ സ്വകാര്യ ഭാഗങ്ങളിൽ സ്പർശിച്ച വാച്ച്മാനെ ജനക്കൂട്ടം നഗ്നനാക്കി തല്ലിച്ചതച്ചു
RELATED ARTICLES
