മുഖ്യമന്ത്രി പിണറായി വിജയന് ആഭ്യന്തര വകുപ്പ് ഒഴിയണമെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. പോലീസുകാരുടെ വൃത്തികേടിന് മുഖ്യൻ കൂട്ട് നിൽക്കുന്നുവെന്ന് ആരോപണം. കേരള പൊലീസില് അച്ചടക്കരാഹിത്യവും അരാജകത്വവും പ്രതിദിനം വര്ധിക്കുന്നത് വകുപ്പ് മന്ത്രിയുടെ പിടുപ്പുകേട് കൊണ്ടാണെന്നും മുല്ലപ്പള്ളി കുറ്റപ്പെടുത്തി. പട്ടാപകല് മവേലിക്കരയില് സഹപ്രവര്ത്തകന് വനിതാ പൊലീസ് ഉദ്യോഗസ്ഥയെ ചുട്ടുകൊന്നതും കണ്ണൂര് എ ആര് ക്യാംപില് ജാതിപ്പേര് വിളിച്ച് പൊലീസ് ഉദ്യോഗസ്ഥനെ സഹപ്രവര്ത്തകര് പീഡിപ്പിച്ചതും സേനയില് ക്രിമിനല് പശ്ചാത്തലമുള്ളവരുടെ എണ്ണം വര്ധിക്കുന്നതിന് ഉദാഹരണങ്ങളാണ്. മന്ത്രിയും എംഎല്എയും ഉള്പ്പടെ പാര്ട്ടി നേതാക്കളും സ്ത്രീപീഡനത്തിന്റെ പേരില് സമൂഹത്തിന് മുന്നില് പ്രതിക്കൂട്ടില് നില്ക്കുന്ന സാഹചര്യത്തില് ക്രിമിനല് പശ്ചാത്തലമുള്ള ഒരുകൂട്ടം പൊലീസ് ഉദ്യോഗസ്ഥര് കാണിക്കുന്ന എന്തുവൃത്തികേടിനും മുഖ്യമന്ത്രിയും അദ്ദേഹത്തിന്റെ പാര്ട്ടിയും സംരക്ഷണം നല്കുന്നുവെന്നും മുല്ലപ്പള്ളി ആരോപിച്ചു.