വേ​ള്‍​ഡ് ട്രേ​ഡ് സെ​ന്‍റ​ർ ആ​ക്ര​മ​ണ​ത്തി​ല്‍ മ​രി​ച്ച​വ​രി​ല്‍ ഒ​രാ​ളെ 16 വ​ര്‍​ഷ​ത്തി​നു ശേ​ഷം തി​രി​ച്ച​റി​ഞ്ഞു

world trade center

അ​മേ​രി​ക്ക​യെ​യും ലോ​ക​ത്തെ​യും ഒ​രു​പോ​ലെ ന​ടു​ക്കി​യ 9/11 വേ​ള്‍​ഡ് ട്രേ​ഡ് സെ​ന്‍റ​ർ ആ​ക്ര​മ​ണ​ത്തി​ല്‍ മ​രി​ച്ച​വ​രി​ല്‍ ഒ​രാ​ളെ 16 വ​ര്‍​ഷ​ത്തി​നു ശേ​ഷം തി​രി​ച്ച​റി​ഞ്ഞു. പു​തി​യ ഡി​എ​ൻ​എ സാ​ങ്കേ​തി​ക വി​ദ്യ​യു​ടെ സ​ഹാ​യ​ത്തോ​ടെ ഇ​തു​വ​രെ തി​രി​ച്ച​റി​യാ​ന്‍ ക​ഴി​യാ​ത്ത പു​രു​ഷ​ന്‍റെ വി​ശ​ദാം​ശ​മാ​ണ് അ​ധി​കൃ​ത​ര്‍​ക്ക് ല​ഭി​ച്ച​ത്. എ​ന്നാ​ൽ കു​ടും​ബ​ത്തി​ന്‍റെ അ​ഭ്യ​ർ​ഥ​ന​യെ മാ​നി​ച്ച് ഇ​ദ്ദേ​ഹ​ത്തി​ന്‍റെ പേ​രു വി​വ​ര​ങ്ങ​ൾ പു​റ​ത്തു​വി​ടാ​ൻ സാ​ധി​ക്കി​ല്ലെ​ന്ന് അ​ധി​കൃ​ത​ർ അ​റി​യി​ച്ചു.

2001 ല്‍ ​ശേ​ഖ​രി​ച്ച ഡി​എ​ന്‍​എ യു​ടെ ആ​വ​ര്‍​ത്തി​ച്ചു​ള്ള പ​രി​ശോ​ധ​ന ന​ട​ത്തി​യ ന്യൂ​യോ​ര്‍​ക്ക് സി​റ്റി​യു​ടെ ചീ​ഫ് മെ​ഡി​ക്ക​ല്‍ എ​ക്‌​സാ​മി​ന​ര്‍ ഓ​ഫീ​സാ​ണ് ഇ​പ്പോ​ള്‍ തി​രി​ച്ച​റി​ഞ്ഞ പു​രു​ഷ​ന്‍ ആ​രാ​ണെ​ന്ന് ക​ണ്ടെ​ത്തി​യ​ത്. 2753 പേ​ര്‍ കൊ​ല്ല​പ്പെ​ട്ട ദു​ര​ന്ത​ത്തി​ല്‍ തി​രി​ച്ച​റി​യ​പ്പെ​ടു​ന്ന 1641-മത്തെ വ്യ​ക്തി​യാ​ണി​ത്. 2015 മാ​ര്‍​ച്ചി​ലാ​ണ് ഇ​തി​നു മു​മ്പ് ഇ​വി​ടെ കൊ​ല്ല​പ്പെ​ട്ട ഒ​രാ​ളെ തി​രി​ച്ച​റ​ഞ്ഞ​ത്.

2001 സെപ്റ്റംബർ 11നാ​ണ് അ​മേ​രി​ക്ക​യു​ടെ അ​ഭി​മാ​ന​മാ​യി​രു​ന്ന ട്വി​ൻ ട​വ​ർ അ​ല്‍ ക്വ​യ്ദ​യു​ടെ ആ​ക്ര​മ​ണ​ത്തി​ല്‍ ത​ക​ര്‍​ന്ന​ടി​ഞ്ഞ​ത്. 2001ലും 2002​ലും ദു​ര​ന്ത ഭൂ​മി​യി​ല്‍ ന​ട​ത്തി​യ പ​രി​ശോ​ധ​ന​ക​ളി​ല്‍ ല​ഭി​ച്ച മ​നു​ഷ്യാ​വ​ശി​ഷ്ട​ങ്ങ​ളി​ല്‍ ഡി​എ​ന്‍​എ പ​രി​ശോ​ധ​ന ന​ട​ത്തി നി​ര​വ​ധി​ പേ​രു​ടെ വി​ശ​ദാം​ശം ശേ​ഖ​രി​ച്ചി​രു​ന്നു.