റാ​ന്നി സ്വ​ദേ​ശി​കളായ യുവാക്കളെ ത​ട്ടി​ക്കൊ​ണ്ടു​പോ​യ സം​ഭ​വം; അ​ന്വേ​ഷ​ണം അ​വ​സാ​നി​പ്പി​ച്ചു

റാ​ന്നി സ്വ​ദേ​ശി​ക​ളാ​യ യു​വാ​ക്ക​ളെ മ​ല​പ്പു​റ​ത്ത് സി​നി​മാ​സ്റ്റൈ​ലി​ൽ ത​ട്ടി​ക്കൊ​ണ്ടു​പോ​യി വി​ല​പേ​ശി​യ സം​ഭ​വ​വു​മാ​യി ബ​ന്ധ​പ്പെ​ട്ട റാ​ന്നി പോ​ലീ​സ് അ​ന്വേ​ഷ​ണം അ​വ​സാ​നി​പ്പി​ച്ചു. തു​ട​ര​ന്വേ​ഷ​ണ​ത്തി​നു തി​രൂ​ർ പോ​ലീ​സി​നു കേ​സ് ഫ​യ​ൽ കൈ​മാ​റി. കാ​ണാ​താ​യ​വ​രെ ക​ണ്ടെ​ത്തി ബ​ന്ധു​ക്ക​ളെ തി​രി​കെ ഏ​ല്പി​ച്ച​തോ​ടെ പ​രാ​തി ഇ​ല്ലാ​ത്ത​തി​നാ​ൽ ത​ങ്ങ​ൾ​ക്കു തു​ട​ർ അ​ന്വേ​ഷ​ണം ന​ട​ത്താ​നാ​കി​ല്ലെ​ന്ന നി​ല​പാ​ടി​ലാ​ണ് റാ​ന്ന​യി​യി​ലെ പോ​ലീ​സ് സം​ഘം. റാ​ന്നി ഐ​ത്ത​ല കൊ​ച്ചേ​ത്ത് സ​ണ്ണി​യു​ടെ മ​ക​ൻ ഷി​ജി (27), താ​ഴ​ത്തേ​തി​ൽ മോ​ന​ച്ച​ന്‍റെ മ​ക​ൻ ജി​ക്കു​മോ​ൻ (27) എ​ന്നി​വ​രെ​യാ​ണ് മ​ല​പ്പു​റ​ത്തു ത​ട്ടി​ക്കൊ​ണ്ടു​പോ​യ​താ​യി പ​രാ​തി ഉ​ണ്ടാ​യ​ത്. ഇ​വ​രെ തി​രൂ​രി​ലെ റോ​ഡ​രി​കി​ൽ ഉ​പേ​ക്ഷി​ച്ച നി​ല​യി​ൽ തി​ങ്ക​ളാ​ഴ്ച രാ​ത്രി ക​ണ്ടെ​ത്തു​ക​യും റാ​ന്നി പോ​ലീ​സ് തി​രി​കെ കൊ​ണ്ടു​പോ​രി​ക​യും ചെ​യ്തു. ഇ​വ​രി​ൽ ഒ​രാ​ളു​ടെ വീ​ട്ടു​കാ​ർ യു​വാ​വി​നെ കാ​ണാ​നി​ല്ലെ​ന്നു പ​രാ​തി​ന​ൽ​കി​യി​രു​ന്ന​തി​നാ​ൽ കോ​ട​തി​യി​ൽ ഹാ​ജ​രാ​ക്കി​യ​ശേ​ഷം ബ​ന്ധു​ക്ക​ൾ​ക്കു വി​ട്ടു​കൊ​ടു​ത്തു. സം​ഭ​വ​ത്തേ​ക്കു​റി​ച്ച് പോ​ലീ​സ് പ​റ​യു​ന്ന​തി​ങ്ങ​നെ – ശ​നി​യാ​ഴ്ച വൈ​കു​ന്നേ​ര​മാ​ണ് മ​ല​പ്പു​റ​ത്തെ ത​ട്ടി​ക്കൊ​ണ്ടു​പോ​ക​ൽ അ​ര​ങ്ങേ​റു​ന്ന​ത്. റാ​ന്നി സ്വ​ദേ​ശി​ക​ളാ​യ യു​വാ​ക്ക​ൾ​ക്കു പി​ന്നാ​ലെ കൂ​ടി​യ സം​ഘം ഇ​വ​രെ ത​ട്ടി​യെ​ടു​ത്ത​ശേ​ഷം ര​ണ്ടു​ദി​വ​സ​മാ​യി ഫോ​ണി​ലൂ​ടെ വി​ല പേ​ശു​ക​യാ​യി​രു​ന്നു. വീ​ട്ടു​കാ​രെ ഫോ​ണി​ൽ ബ​ന്ധ​പ്പെ​ട്ട് ല​ക്ഷ​ങ്ങ​ളാ​ണ് സം​ഘം ആ​ദ്യം ആ​വ​ശ്യ​പ്പെ​ട്ട​ത്. ഇ​രു​വ​രു​ടെ​യും വീ​ട്ടു​കാ​ർ ഇ​തി​നു വ​ഴ​ങ്ങാ​തെ വ​ന്ന​തോ​ടെ ഒ​ടു​വി​ൽ 10,000 രൂ​പ ത​ര​ണ​മെ​ന്നാ​യി. ഇ​തും വീ​ട്ടു​കാ​ർ വി​സ​മ്മ​തി​ച്ചു. റാ​ന്നി പോ​ലീ​സി​ൽ സം​ഭ​വ​ദി​വ​സം രാ​ത്രി​ത​ന്നെ വീ​ട്ടു​കാ​ർ വി​വ​ര​ങ്ങ​ൾ ന​ൽ​കി​യി​രു​ന്നു. ഇ​ത​നു​സ​രി​ച്ച് സം​ഘ​ത്തി​ന്‍റെ നീ​ക്ക​ങ്ങ​ൾ പോ​ലീ​സ് നി​രീ​ക്ഷി​ച്ചു.  മ​ല​പ്പു​റ​ത്തേ​ക്കു തി​രി​ച്ച പോ​ലീ​സ് സം​ഘം ത​ട്ടി​ക്കൊ​ണ്ടു​പോ​യ സം​ഘ​ത്തി​ലെ ഒ​രാ​ളു​ടെ ഫോ​ണ്‍ നമ്പർ പി​ന്തു​ട​ർ​ന്ന് തെ​ര​ച്ചി​ൽ തു​ട​ങ്ങി. പോ​ലീ​സ് ത​ങ്ങ​ളെ പി​ന്തു​ട​രു​ന്നു​വെ​ന്നു സം​ശ​യം തോ​ന്നി​യ സം​ഘം യു​വാ​ക്ക​ളെ വ​ഴി​യ​രി​കി​ൽ ഉ​പേ​ക്ഷി​ച്ച് മു​ങ്ങു​ക​യാ​യി​രു​ന്നു​വെ​ന്ന് റാ​ന്നി പോ​ലീ​സ് പ​റ​ഞ്ഞു.  ത​ട്ടി​ക്കൊ​ണ്ടു​പോ​ക​ലി​ന് ഇ​ര​യാ​യ​താ​യി പ​റ​യു​ന്ന യു​വാ​ക്ക​ൾ​ക്ക് നേ​ര​ത്തെ ത​ന്നെ മ​ല​പ്പു​റ​വു​മാ​യി ബ​ന്ധ​മു​ണ്ടാ​യി​രു​ന്ന​താ​യി പ​റ​യു​ന്നു. ത​ട്ടി​ക്കൊ​ണ്ടു​പോ​കാ​നി​ട​യാ​യ സാ​ഹ​ച​ര്യ​ത്തൈ​ക്കു​റി​ച്ചും ദു​രൂ​ഹ​ത നി​ല​നി​ൽ​ക്കു​ന്നു. യു​വാ​ക്ക​ളു​ടെ മൊ​ഴി എ​ടു​ത്തെ​ങ്കി​ലും കൂ​ടു​ത​ൽ വെ​ളി​പ്പെ​ടു​ത്ത​ലു​ക​ളു​ണ്ടാ​യി​ല്ല. എ​ന്താ​ണു ന​ട​ന്ന​തെ​ന്ന​തു സം​ബ​ന്ധി​ച്ചു ഇ​വ​ർ കൂ​ടു​ത​ൽ വി​വ​ര​ങ്ങ​ൾ ന​ൽ​കി​യി​ട്ടി​ല്ലെ​ന്നു പോ​ലീ​സ് പ​റ​യു​ന്നു. മ​ല​പ്പു​റ​ത്തെ അ​ധോ​ലോ​ക കേ​ന്ദ്ര​ങ്ങ​ളു​മാ​യി ത​ട്ടി​ക്കൊ​ണ്ടു​പോ​ക​ൽ സം​ഭ​വ​ത്തി​നു ബ​ന്ധ​മു​ണ്ടെ​ന്നു പോ​ലീ​സ് സം​ശ​യി​ച്ചെ​ങ്കി​ലും യു​വാ​ക്ക​ളി​ൽ നി​ന്ന് ഇ​ത്ത​രം സൂ​ച​ന​ക​ളൊ​ന്നും ല​ഭി​ച്ചി​ല്ല. തു​ട​ർ​ന്ന് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ന്‍റെ വി​വ​ര​ങ്ങ​ൾ അ​ട​ക്കം തി​രൂ​ർ പോ​ലീ​സി​നു കൈ​മാ​റു​ക​യാ​യി​രു​ന്നു.