റിലയന്സ് ഗ്രൂപ്പ് ഉടമ അനില് അംബാനി രാജ്യം വിടുന്നതു തടയണമെന്ന് ആവശ്യപ്പെട്ടു സുപ്രീം കോടതിയില് ഹര്ജി. സ്വീഡിഷ് ടെലികോം കന്പനിയായ എറിക്സനാണു ഹര്ജി ഫയല് ചെയ്തത്. അനില് അംബാനി ഗ്രൂപ്പ് തങ്ങള്ക്ക് 500 കോടി രൂപ നല്കാനുണ്ടെന്നു ചൂണ്ടിക്കാട്ടിയാണ് ഹര്ജി. അംബാനിയുടെ കന്പനിയിലെ മറ്റ് രണ്ട് ഉദ്യോഗസ്ഥരുടെയും യാത്ര തടയണമെന്നു ഹര്ജിയില് ആവശ്യപ്പെടുന്നു.അനില് അംബാനിയുടെ കന്പനി എറിക്സണു നല്കാനുണ്ടായിരുന്ന 1600 കോടി രൂപ 500 കോടി രൂപയായി കന്പനി കിഴിവ് ചെയ്തു നല്കിയിരുന്നു. കോടതിയുടെ മേല്നോട്ടത്തിലുണ്ടാക്കിയ ധാരണപ്രകാരം സെപ്റ്റംബര് മുപ്പതിനുള്ളില് പണം നല്കേണ്ടിയിരുന്നു. എന്നാല് ഇത് റിലയന്സ് നല്കിയില്ല. ഇതേതുടര്ന്നാണ് യാത്ര തടയണമെന്ന് ആവശ്യപ്പെട്ട് കന്പനി സുപ്രീം കോടതിയെ സമീപിച്ചത്. അതേസമയം എറിക്സണ് കന്പനിയുടെ ഹര്ജി അനാവശ്യമാണ് എന്നാണ് റിലയന്സിന്റെ വാദം. പണം നല്കുന്നതിനായി 60 ദിവസത്തേക്കു സമയം നീട്ടി തരണമെന്നു തങ്ങള് ആവശ്യപ്പെട്ടിരുന്നതായും റിലയന്സ് പ്രതികരിച്ചു.
അനില് അംബാനി രാജ്യം വിടുന്നതു തടയണം; സുപ്രീം കോടതിയില് ഹര്ജി
RELATED ARTICLES