ജയസൂര്യ മുഖ്യ വേഷത്തിൽ അഭിനയിക്കുന്ന ഞാൻ മേരിക്കുട്ടി ജൂൺ പതിനഞ്ചിനു തിയറ്ററുകളിലെത്തും. രഞ്ജിത്ത് ശങ്കറാണ് ചിത്രം സംവിധാനം ചെയ്യുന്നത്. ജയസൂര്യയുടെ കരിയറിലെ വെല്ലുവിളി നിറഞ്ഞ കഥാപാത്രമായിരിക്കും ഞാൻ മേരിക്കുട്ടിയിലേത്. ചിത്രത്തിനായി ജയസൂര്യ നടത്തിയ വേഷപ്പകർച്ച ഏറെ ശ്രദ്ധ നേടിയിരുന്നു. ക്യാപ്റ്റന് എന്ന ചിത്രത്തിനു ശേഷം ജയസൂര്യ വീണ്ടും എല്ലാവരെയും ഞെട്ടിപ്പിക്കാനൊരുങ്ങുകയാണ് ഈ ചിത്രത്തിലൂടെ. പുണ്യാളന് അഗര്ബത്തീസ് എന്ന ചിത്രത്തിലാണ് ജയസൂര്യ-രഞ്ജിത്ത് ശങ്കർ കൂട്ടുകെട്ട് ആദ്യമായി ഒന്നിച്ചത്. പുണ്യാളനു ശേഷം സു സു സുധി വാത്മീകം, പ്രേതം, പുണ്യാളന് പ്രൈവറ്റ് ലിമിറ്റഡ് തുടങ്ങിയ ചിത്രങ്ങളും പുറത്തിറങ്ങി. ഇപ്പോൾ മേരിക്കുട്ടിയുടെ കഥയുമായി എത്തുകയാണ് രണ്ടു പേരും. ഇന്നസെന്റ്, അജു വര്ഗീസ്, ജുവല് മേരി എന്നീ താരങ്ങള് ഈ ചിത്രത്തില് മുഖ്യ വേഷത്തിലെത്തുന്നുണ്ട്. ഡ്രീംസ് ആന്ഡ് ബിയോണ്ട്സിന്റെ ബാനറില് ജയസൂര്യയും രഞ്ജിത്ത് ശങ്കറും ചേര്ന്നാണ് ചിത്രം നിര്മ്മിക്കുന്നത്.