Monday, July 15, 2024
HomeInternationalബിൻലാദിന്റെ വധത്തിന്​ മകൻ ഹംസ പ്രതികാരം ചെയ്​തേക്കുമെന്ന് റിപ്പോർട്ട്

ബിൻലാദിന്റെ വധത്തിന്​ മകൻ ഹംസ പ്രതികാരം ചെയ്​തേക്കുമെന്ന് റിപ്പോർട്ട്

അൽ ഖാഇദ തലവൻ ഉസാമ ബിൻലാദിന്റെ വധത്തിന്​ മകൻ ഹംസ പ്രതികാരം ചെയ്​തേക്കുമെന്ന്​ എഫ്​​.ബി.ഐ മുൻ ഏജൻറ്​ അലി സൂഫാൻ. 9/11 ആക്രമണത്തിനുപിന്നാലെ അൽ ഖാഇദയെക്കുറിച്ച്​ ​അന്വേഷിക്കാൻ എഫ്​.ബി.ഐ രൂപം നൽകിയ സംഘത്തി​​​​ന്റെ തലവനായിരുന്നു സൂഫാൻ. ഒരു ടെലിവിഷൻ അഭിമുഖത്തിലാണ്​​ അദ്ദേഹം ലാദിന്റെ മക​നെ ക്കുറിച്ച്​ വിവരങ്ങൾ പങ്കുവെച്ചത്​.

പാകിസ്​താനിലെ ആബട്ടാബാദിൽവെച്ചാണ്​ ഉസാമ ബിൻലാദിനെ യു.എസ്​ വ്യോമസേന വധിച്ചത്​. റെയ്​ഡി​​​​ന്റെ സമയത്ത്​ കണ്ടെടുത്ത കത്തിലെ വിവരങ്ങൾ ആധാരമാക്കിയാണ്​ ഹംസയെപ്പറ്റിയുള്ള വിവരങ്ങൾ സൂഫാൻ പങ്കുവെച്ചത്​. പിതാവി​നെ അതിരറ്റ്​ സ്​നേഹിച്ചിരുന്ന ഹംസ, ലാദി​​​​ന്റെ കാഴ്​ചപ്പാട്​ പൂർണമായും അംഗീകരിച്ചിരുന്നു. ദൈവത്തിനുവേണ്ടിയുള്ള പോരാട്ടത്തി​​​​ന്റെ വഴിയിലാണ്​ നമ്മുടെ ജീവിതമെന്നും​ ഹംസ ലാദിനെഴുതിയ ഒരു കത്തിൽ പറയുന്നു.

കുട്ടിയായിരിക്കെത്തന്നെ ഹംസയെ നേതാവായി പരിഗണിച്ചിരുന്നു. അൽ ഖാഇദയുടെ പ്രചരണവിഡിയോകളിൽ തോക്കുപിടിച്ച്​ പലപ്പോഴും പ്രത്യക്ഷപ്പെടാറുണ്ട്​. കഴിഞ്ഞ രണ്ടുവർഷത്തിനിടെ നാല്​ ഒാഡിയോ സന്ദേശങ്ങൾ ഹംസ പുറത്തുവിട്ടിട്ടുണ്ട്​. ശബ്​ദം പോലും ലാദ​ിേൻറതിന്​ സമാനമാണ്​. പിതാവിനോടും ഇറാഖിനോടും അഫ്​ഗാനിസ്​താനോടും ചെയ്​തതിന്​ പകരംവീട്ടാൻ തങ്ങൾ ഒരുക്കമാണെന്ന്​ അമേരിക്കക്കുള്ള മുന്നറിയിപ്പുകളാണ്​ ടേപ്പുകളിൽ പൊതുവായുള്ളതെന്നും സൂഫാൻ കൂട്ടിച്ചേർത്തു

RELATED ARTICLES
- Advertisment -

Most Popular

Recent Comments