യുവതിയെ കൂട്ടബലാത്സംഗം ചെയ്ത ശേഷം ഒാടുന്ന കാറിൽ നിന്നും റോഡിരികിലേക്ക് തള്ളിയിട്ടു. ഹരിയാനയിലെ സോഹ്നയിലാണ് ക്രൂരമായ സംഭവം നടന്നത്. കാറിൽ വെച്ച് യുവതിയെ അതിക്രൂരമായി പീഡിപ്പിച്ച ശേഷം അക്രമി സംഘം ഗ്രേറ്റ് നോയിഡക്കടുത്ത് വെച്ച് പുറത്തേക്ക് തള്ളിയിടുകയായിരുന്നു.
തിങ്കളാഴ്ച രാത്രി ഗ്രേറ്റർ നോയിഡയിലെ കസ്നാ പൊലീസ് സ്റ്റേഷനു സമീപമുള്ള ആശുപത്രിക്കരികിലാണ് യുവതിയെ കണ്ടെത്തിയത്. റോഡരികിലേക്ക് യുവതിയെ വലിച്ചെറിഞ്ഞ് കാർ പോകുന്നതുകണ്ടെന്ന വിവരത്തെ തുടർന്ന് പൊലീസെത്തി അവരെ ആശുപത്രിയിലെത്തിക്കുകയായിരുന്നു.
ഗുരുഗ്രാമിലെ സോഹ്ന ഏരിയയിലൂടെ എട്ടു മണിയോടെ യാത്ര ചെയ്യുകയായിരുന്ന യുവതിയെ കാറിലെത്തിയ സംഘം തട്ടികൊണ്ടുപോയി പീഡിപ്പിക്കുകയും വഴിയിൽ തള്ളിയിടുകയുമായിരുന്നു. പൊലീസ് ഇതുവരെയും കേസ് രജിസ്റ്റർ ചെയ്തിട്ടില്ല എന്ന് ആക്ഷേപമുണ്ട്.