അയര്‍ലണ്ടിനെതിരെ ഏക ടെസ്റ്റില്‍ ആദ്യ ഇന്നിംഗ്സില്‍ നാണംകെട്ട ബാറ്റിംഗ് തകര്‍ച്ചയുമായി ഇംഗ്ലണ്ട്. ടോസ് നേടി ബാറ്റിംഗ് തിരഞ്ഞെടുത്ത ആതിഥേയരെ ഞെട്ടിക്കുന്ന ബൗളിംഗ് പ്രകടനമാണ് അയര്‍ലണ്ടിന്റെ ന്യൂബോള്‍ ബൗളര്‍മാര്‍ പുറത്തെടുത്തത്. ടിം മുര്‍ടാഗ് അഞ്ച് വിക്കറ്റ് നേടിയപ്പോള്‍ മാര്‍ക്ക് അഡൈറും ബോയഡ് റാങ്കിനും രണ്ട് വീതം വിക്കറ്റ് നേടി. ഇംഗ്ലണ്ട് നിരയില്‍ വെറും മൂന്ന് താരങ്ങളാണ് രണ്ടക്ക സ്കോറിലേക്ക് എത്തിയത്. അവസാന വിക്കറ്റില്‍ പൊരുതിയ ഒല്ലി സ്റ്റോണിനു പുറമെ ജോ ഡെന്‍ലിയും(23) സാം കറനും(18) ആണ് ഇരട്ടയക്കത്തിലേക്ക് തങ്ങളുടെ സ്കോര്‍ നീക്കിയത്. ഒല്ലി സ്റ്റോണ്‍ 19 റണ്‍സ് നേടിയ അവസാന വിക്കറ്റില്‍ നിര്‍ണ്ണായകമായ 18 റണ്‍സ് നേടുകയായിരുന്നു. 23.4 ഓവറില്‍ 85 റണ്‍സിനാണ് ഇംഗ്ലണ്ട് ഓള്‍ഔട്ട് ആയത്.
അയര്‍ലണ്ടിനെതിരെ ബാറ്റിംഗ് തകര്‍ച്ചയുമായി ഇംഗ്ലണ്ട്
RELATED ARTICLES
