മുഖംമൂടി ധരിച്ചെത്തിയ സംഘം തോക്കുചൂണ്ടി ബാങ്ക്​ കൊള്ളയടിച്ചു

കശ്​മീരിൽ മുഖംമൂടി ധരിച്ചെത്തിയ സംഘം തോക്കുചൂണ്ടി ബാങ്ക്​ കൊള്ളയടിച്ചു. അനന്തനാഗ്​ ജില്ലയിലെ അർവാനിയിൽ ജമ്മുകാശ്​മീർ ബാങ്ക്​ ​​ബ്രാഞ്ചിലാണ്​ സംഭവം. മൂന്നുനാലു പേരടങ്ങിയ സംഘം ജീവനക്കാരെ തോക്കിൻ മുനയിൽ ഭീഷണിപ്പെടുത്തി നിർത്തിയശേഷം പണമെടുത്ത്​ രക്ഷപ്പെടുകയായിരുന്നെന്ന്​ പൊലീസ്​ പറഞ്ഞു. നഷ്​ടപ്പെട്ട സംഖ്യ എത്രയെന്ന്​ തിട്ടപ്പെടുത്തേണ്ടതുണ്ടെന്നും ആക്രമികൾക്കായി അന്വേഷണം തുടങ്ങിയെന്നും പൊലീസ്​ പറഞ്ഞു.