തെക്കുപടിഞ്ഞാറന് കാലവര്ഷം അടുത്ത 48 മണിക്കൂറിനുള്ളില് സംസ്ഥാനത്ത് പെയ്തു തുടങ്ങാന് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു. മാലിദ്വീപ്, കന്യാകുമാരി എന്നിവിടങ്ങളില് എത്തിച്ചേര്ന്ന കാലവര്ഷം വൈകാതെ കേരളത്തിലെത്താനുള്ള എല്ലാ സാഹചര്യങ്ങളും അനുകൂലമാണെന്നാണ് പ്രവചനം. ജൂണ് ആറിന് കാലവര്ഷം കേരളത്തില് എത്തിച്ചേരുമെന്നാണ് കാലാവസ്ഥാ നിരീക്ഷണകേന്ദ്രം പ്രവചച്ചിരുന്നത്. എന്നാല് പ്രഖ്യാപിച്ച തീയതിക്കു മുന്നു ദിവസം മുന്പോ, മൂന്നു ദിവസത്തിനു ശേഷമോ കാലവര്ഷം എത്തിച്ചേരാറുണ്ടെന്നും ഇക്കുറി അത് നേരത്തെയെത്താനുള്ള സാധ്യത ഏറെയാണെന്നും കാലാവസ്ഥാ വിദഗ്ധര് അറിയിച്ചു. തിങ്കളാഴ്ച മുതല് ബുധനാഴ്ച വരെ സംസ്ഥാനത്ത് കനത്ത മഴയ്ക്കു സാധ്യതയുണ്ടെന്ന മുന്നറിയിപ്പിന്റെ പശ്ചാത്തലത്തില് നാലു ജില്ലകളില് യെല്ലോ അലര്ട്ട് പ്രഖ്യാപിച്ചു. എറണാകുളം, ഇടുക്കി, മലപ്പുറം, വയനാട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
കാലവര്ഷം വൈകാതെ കേരളത്തിലെത്തും: കാലാവസ്ഥാ നിരീക്ഷണ കേന്ദ്രം
RELATED ARTICLES