Sunday, June 16, 2024
HomeInternationalല​ണ്ട​നി​ൽ ഭീ​ക​രാ​ക്ര​മ​ണ​വുമായി ബന്ധപ്പെട്ട് 12 പേർ അറസ്റ്റിലായി

ല​ണ്ട​നി​ൽ ഭീ​ക​രാ​ക്ര​മ​ണ​വുമായി ബന്ധപ്പെട്ട് 12 പേർ അറസ്റ്റിലായി

ല​ണ്ട​നി​ൽ ര​ണ്ടി​ട​ങ്ങ​ളി​ലാ​യു​ണ്ടാ​യ ഭീ​ക​രാ​ക്ര​മ​ണ​വുമായി ബന്ധപ്പെട്ട് 12 പേർ അറസ്റ്റിലായി. ആക്രമണം നടന്നതിനു പിന്നാലെ ആരംഭിച്ച അന്വേഷണത്തിലാണ് ഇവരെ അറസ്റ്റ് ചെയ്തത്. എന്നാൽ അറസ്റ്റിലായവരുടെ പേരുവിവരങ്ങൾ പുറത്തുവിട്ടിട്ടില്ല. ആക്രമണം നടന്നതിനു സമീപത്തെ ഫ്ലാറ്റുകളിലടക്കം പോലീസ് പരിശോധന നടത്തി. സംഭവസ്ഥലത്തിനു സമീപത്തെ ഫ്ലാറ്റുകളിൽ കുടുംബമായി താമസിച്ചിരുന്ന ചിലർ ഭീകരരാണോ എന്ന സമീപവാസികളുടെ മൊഴിയുടെ അടിസ്ഥാനത്തിലായിരുന്നു പരിശോധന.

ആക്രമണത്തിനു പിന്നാലെ ആരംഭിച്ച പോലീസിന്‍റെ പരിശോധനകൾ ഇപ്പോഴും തുരുകയാണ്. മ​ധ്യ​ല​ണ്ട​നി​ലെ ല​ണ്ട​ൻ ബ്രി​ഡ്ജി​ലും ബോ​റോ മാ​ര്‍​ക്ക​റ്റി​ലു​മാ​യി നടന്ന ആ​ക്ര​മ​ണത്തിൽ ഏഴു പേർ കൊല്ലപ്പെടുകയും 50 പേർക്ക് പരിക്കേൽക്കുകയും ചെയ്തിരുന്നു. പരിക്കേറ്റവരിൽ ചിലരുടെ നില ഇപ്പോഴും ഗുരുതരമായി തുടരുകയാണ്. ആ​ക്ര​മ​ണ​ത്തെ തു​ട​ർ​ന്ന് ല​ണ്ട​ൻ ബ്രി​ഡ്ജും ല​ണ്ട​ൻ ബ്രി​ഡ്ജ് റെ​യി​ൽ​വെ സ്റ്റേ​ഷ​നും അ​ട​ച്ചിരുന്നു.

ഇ​ന്ത്യ​ൻ സ​മ​യം പു​ല​ർ​ച്ചെ 2.30 നാ​യി​രു​ന്നു ആ​ക്ര​മ​ണം ന​ട​ന്ന​ത്. ല​ണ്ട​ൻ ബ്രി​ഡ്ജി​ൽ‌ കാ​ൽ​ന​ട​യാ​ത്ര​ക്കാ​ർ​ക്കി​ട​യി​ലേ​ക്ക് വാ​ൻ ഇ​ടി​ച്ചു​ക​യ​റ്റി​യാ​യി​രു​ന്നു അ​ക്ര​മം. ബോ​റോ മാ​ര്‍​ക്ക​റ്റി​ൽ വെ​ള്ള നി​റ​ത്തി​ലു​ള്ള വാ​നി​ലെ​ത്തി​യ അ​ക്ര​മി​ക​ൾ ആ​ൾ​ക്കൂ​ട്ട​ത്തി​നി​ട​യി​ലേ​ക്ക് ആ​യു​ധ​വു​മാ​യി ചാ​ടി​യി​റ​ങ്ങി വെ​ട്ടു​ക​യാ​യി​രു​ന്നു. അക്രമികൾ സ്ഫോ​ട​ക​വ​സ്തു​ക്ക​ൾ ശ​രീ​ര​ത്തി​ൽ ഘ​ടി​പ്പി​ച്ചി​രുന്നുവെന്നും പോ​ലീ​സ് വ്യക്തമാക്കിയിരുന്നു. മൂന്ന് അക്രമികളെയും പോ​ലീ​സ് വ​ധി​ച്ചിരുന്നു.

ര​ണ്ടാ​ഴ്ച മു​മ്പ് മാ​ഞ്ച​സ്റ്റ​റി​ലെ അ​രീ​ന​യി​ൽ സം​ഗീ​ത​നി​ശ​ക്കി​ടെ​യു​ണ്ടാ​യ തീ​വ്ര​വാ​ദി ആ​ക്ര​മ​ണ​ത്തി​ല്‍ 22 പേ​രാ​ണ് കൊ​ല്ല​പ്പെ​ട്ട​ത്. മൂ​ന്നു മാ​സം മു​മ്പ് വെ​സ്റ്റ്മി​നി​സ്റ്റ​ര്‍ ബ്രി​ഡ്ജി​ല്‍ വാ​ഹ​നം ആ​ളു​ക​ള്‍​ക്കി​ട​യി​ലേ​ക്ക് ഓ​ടി​ച്ചു​ക​യ​റ്റി​യു​ണ്ടാ​യ ആ​ക്ര​മ​ണ​ത്തി​ല്‍ നാ​ല് പേ​ര്‍ കൊ​ല്ല​പ്പെ​ട്ടി​രു​ന്നു.

RELATED ARTICLES
- Advertisment -

Most Popular

Recent Comments