ഐഎന്എക്സ് മീഡിയ അഴിമതിക്കേസില് മുന് കേന്ദ്ര ധനമന്ത്രിയും കോണ്ഗ്രസ് നേതാവുമായ പി. ചിദംബരം ജുഡീഷല് കസ്റ്റഡിയില് തുടരും. ഡല്ഹി റോസ് അവന്യൂ കോടതി 14 ദിവസത്തേയ്ക്കു കൂടി അദ്ദേഹത്തിന്റെ കസ്റ്റഡി കാലാവധി നീട്ടി.
കസ്റ്റഡി കാലാവധി അവസാനിച്ചതിനെ തുടര്ന്ന് ചിദംബരത്തെ ഇന്ന് കോടതിയില് ഹാജരാക്കിയിരുന്നു. കസ്റ്റഡി കാലാവധി ഒക്ടോബര് മൂന്നു വരെ നീട്ടണമെന്ന് പ്രോസിക്യൂഷന് വേണ്ടി സോളിസിറ്റര് ജനറല് തുഷാര് മേത്ത കോടതിയില് ആവശ്യപ്പെട്ടു.
അതേസമയം പരമാവധി നാലു ദിവസം മാത്രമേ കസ്റ്റഡി അനുവദിക്കാവൂ എന്ന് ചിദംബരത്തിന്റെ അഭിഭാഷകന് കപില് സിബല് വാദിച്ചു. എന്നാല്, പ്രോസിക്യൂഷന്റെ ആവശ്യം കോടതി അംഗീകരിക്കുകയായിരുന്നു.
അഴിമതി കേസില് പി. ചിദംബരം ഇപ്പോള് തിഹാര് ജയിലിലാണ്. എന്ഫോഴ്സ്മെന്റ് ഡയറക്ടറേറ്റ് രജിസ്റ്റര് ചെയ്ത കേസിലും സിബിഐ രജിസ്റ്റര് ചെയ്ത കേസിലും ചിദംബരം അന്വേഷണം നേരിടുന്നുണ്ട്. ഓഗസ്റ്റ് 21നാണ് ചിദംബരത്തെ സിബിഐ അറസ്റ്റ് ചെയ്തത്.