പാലാരിവട്ടം പാലം നിര്‍മാണവുമായി ബന്ധപ്പെട്ട് ഏത് അന്വേഷണത്തെയും സ്വാഗതം ചെയ്യുന്നതായി മുന്‍ മുഖ്യമന്ത്രി ഉമ്മന്‍ ചാണ്ടി. അഴിമതി കാണിച്ചവര്‍ നിയമത്തിന് മുന്നില്‍ വരണമെന്നും ഒരു തെറ്റും ചെയ്തിട്ടില്ലെന്ന മനഃസാക്ഷിയുടെ ശക്തിയിലാണ് ഇത് പറയുന്നതെന്നും പാലായില്‍ വാര്‍ത്തസമ്മേളനത്തില്‍ അദ്ദേഹം വ്യക്തമാക്കി.
കോടിയേരിയുടെ രാഷ്ട്രീയ മുതലെടുപ്പ് തെന്‍റയടുത്ത് വിലപ്പോകില്ലെന്ന് പാലാരിവട്ടം കേസില്‍ ഉമ്മന്‍ ചാണ്ടിക്കും രക്ഷപ്പെടാന്‍ കഴിയില്ലെന്ന സി.പി.എം സംസ്ഥാന സെക്രട്ടറിയുടെ പ്രസ്താവനക്ക് മറുപടിയായി അദ്ദേഹം പറഞ്ഞു.
പ്രകോപനപരമായ പ്രസ്താവനയിറക്കി ആര്‍ക്കെങ്കിലുമെതിരെ പ്രതികരിപ്പിക്കുകയാണ് ലക്ഷ്യമെങ്കില്‍ വിജയിക്കില്ല. കേസുമായി ബന്ധപ്പെട്ട് ആരെയും തള്ളിപ്പറയില്ല. കരാറുകാരന് മുന്‍കൂര്‍ പണം നല്‍കിയത് അടക്കം തീരുമാനങ്ങള്‍ മന്ത്രിസഭ യോഗത്തിേന്‍റതാണ്. പണി സമയബന്ധിതമായി തീര്‍ക്കാന്‍ അത്തരത്തില്‍ പല തീരുമാനങ്ങളും എടുക്കേണ്ടി വന്നിട്ടുണ്ട്. മൂന്നരക്കൊല്ലമായി ഇടതുസര്‍ക്കാര്‍ ഏതെങ്കിലും ഒരു കാര്യത്തില്‍ നടപടി എടുത്തിട്ടില്ല.
യു.ഡി.എഫ് സര്‍ക്കാര്‍ എടുത്ത 700 തീരുമാനങ്ങള്‍ മരവിപ്പിച്ചു. ഇതില്‍ 106 എണ്ണത്തിെന്‍റ തീരുമാനം സംശയമുെണ്ടന്ന് പറഞ്ഞ് മന്ത്രി എ.കെ. ബാലന്‍ ചെയര്‍മാനായ മന്ത്രിസഭ ഉപസമിതി നല്‍കിയ റിപ്പോര്‍ട്ട് പരിശോധിച്ചിട്ടും ഒരു വിജിലന്‍സ് കേസുപോലും എടുക്കാനായില്ല. ഏതെങ്കിലും വിഷയത്തില്‍ യു.ഡി.എഫ് രാഷ്ട്രീയമായി ഇടപെട്ടിട്ടില്ലെന്നും അദ്ദേഹം പറഞ്ഞു.
