കേന്ദ്ര സര്‍ക്കാര്‍ രാജ്യത്തെ ഭീകരതയിലേക്കാണ് നയിക്കുന്നത്: കോടിയേരി . ആര്‍എസ്എസ് നേതാവിനെ രാഷ്ട്രപതി സ്ഥാനാര്‍ഥിയാക്കിയതിലൂടെ ഫാസിസ്റ്റ് ഭരണം രാജ്യത്ത് കൊണ്ടുവരാനാണ് ബിജെപിയുടെ നീക്കമെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. ജനാധിപത്യം അട്ടിമറിച്ച് പ്രസിഡന്‍ഷ്യല്‍ ഭരണം നടപ്പാക്കാനുള്ള മോഡിയുടെ തീരുമാനത്തിന് ഒപ്പുചാര്‍ത്താനാണ് ആര്‍എസ്എസുകാരനെ രാഷ്ട്രപതിയാക്കുന്നത്.
ഡോ. എന്‍ ബാബു രചിച്ച ‘ഡോണ്‍ വീണ്ടും ശാന്തമായി ഒഴുകുന്നു’ എന്ന പുസ്തകം പ്രകാശനംചെയ്യുകയായിരുന്നു കോടിയേരി ബാലകൃഷ്ണന്‍. പുസ്തകം മന്ത്രി കടകംപള്ളി സുരേന്ദ്രന്‍ ഏറ്റുവാങ്ങി. ചെറിയാന്‍ ഫിലിപ്പ് അധ്യക്ഷനായി. ഗ്രന്ഥരചയിതാവ് ഡോ. എന്‍ ബാബു സംസാരിച്ചു. പ്രസാധകന്‍ ഡോ. പി കെ സുകുമാരനെ ആദരിച്ചു. പ്രൊഫ. രാമന്‍പിള്ള സ്വാഗതവും ആര്‍ ഷാജിശര്‍മ നന്ദിയും പറഞ്ഞു.
