മന്ദമരുതി ക്നാനായ കുരിശുപള്ളിയുടെ പ്ലാറ്റിനം ജൂബിലി സമാപന പരിപാടികൾ

മന്ദമരുതി സെന്റ് തോമസ് ക്നാനായ കുരിശുപള്ളിയുടെ പ്ലാറ്റിനം ജൂബിലി സമാപന സമ്മേളനത്തോട് അനുബന്ധിച്ചുള്ള പരിപാടികൾക്ക് തുടക്കമായി. ഒരു വർഷത്തെ ജൂബിലി ആഘോഷങ്ങൾക്ക് സമാപനം കുറിച്ച ജനുവരി 22 മുതൽ ഫെബ്രുവരി 5 വരെയാണ് പരിപാടികൾ. ഞായറാഴ്‌ച രാവിലെ എട്ടു മണിക്ക് ക്നാനായ സഭ റാന്നി മേഘലാധിപൻ കുറിയാക്കോസ് മാർ ഈവാനിയോസ് മെത്രാപ്പോലിത്ത വിശുദ്ധ കുർബാന അർപ്പിച്ചു . തുടർന്ന് പ്ലാറ്റിനം ജൂബിലി മെമ്മോറിയൽ കവാട കൂദാശ , കൊടിമര പ്രതിഷ്ഠ , പെരുന്നാൾ കൊടിയേറ്റ് എന്നിവ മെത്രാപ്പോലിത്ത നിർവഹിച്ചു. ഫാദർ എം സി സഖറിയാ അധ്യക്ഷത വഹിച്ചു . ജനുവരി 30 മുതൽ ധ്യാന യോഗങ്ങൾ , വിദ്യാർത്ഥി-യുവജന സമ്മേളനങ്ങൾ , ദാമ്പതി സമ്മേളനം , വനിതാ സമ്മേളനം , കാൾച്ചറൽ പ്രോഗ്രാം, ഭക്തി നിർഭരമായ റാസാ , വിശുദ്ധ മൂന്നിന്മേൽ കുർബാന , പൊതു സമ്മേളനം എന്നിവ നടക്കും.