ഇന്ത്യക്കാര്‍ക്ക് ഇനി വിസയില്ലാതെ ബ്രസീല്‍ സന്ദര്‍ശിക്കാം. ബ്രസീല്‍ പ്രസിഡന്‍റ് ജെയിര്‍ ബൊല്‍സനാരൊ ആണ് ഇക്കാര്യം അറിയിച്ചത്. ഇന്ത്യക്കൊപ്പം ചൈനീസ് പൗരന്‍മാര്‍ക്കും ഇനി വിസയില്ലാതെ ബ്രസീലിലെത്താം. ചൈന സന്ദര്‍ശനത്തിനിടെയാണ് പ്രസിഡന്‍റ് ഇക്കാര്യം പ്രഖ്യാപിച്ചിരിക്കുന്നത്.
വലതുപക്ഷക്കാരനായ ബൊല്‍സനാരൊ ഈ വര്‍ഷമാദ്യം അധികാരമേറ്റപ്പോള്‍ തന്നെ ഇതുസംബന്ധിച്ച നയം പ്രഖ്യാപിച്ചിരുന്നു.
നേരത്തെ, യു.എസ്., കാനഡ, ജപ്പാന്‍, ആസ്ട്രേലിയ തുടങ്ങിയ രാജ്യങ്ങളില്‍നിന്നുള്ള വിനോദ സഞ്ചാരികള്‍ക്കും ബിസിനസുകാര്‍ക്കും ബ്രസീല്‍ സന്ദര്‍ശിക്കാന്‍ വിസ വേണ്ടെന്ന് പ്രഖ്യാപിച്ചിരുന്നു. എന്നാല്‍, ഈ രാജ്യങ്ങള്‍ ബ്രസീലുകാര്‍ക്കുള്ള വിസ നടപടിക്രമങ്ങളില്‍ അയവ് വരുത്തിയിട്ടില്ല.
