ശബരിമലയിൽ വഴിപാടായി കിട്ടിയ സ്വർണത്തിലും വെള്ളിയിലും കുറവില്ലെന്ന് ദേവസ്വം ബോർഡ് പ്രസിഡന്റ് എ. പത്മകുമാർ. ഒരു തരി സ്വർണം പോലും നഷ്ടമായിട്ടില്ല. എല്ലാത്തിനും കൃത്യമായ കണക്കുകൾ ഉണ്ടെന്നും അദ്ദേഹം പറഞ്ഞു. സ്വർണത്തിൽ കുറവുണ്ടെന്ന് ചില ഉദ്യോഗസ്ഥർ പ്രചരിപ്പിച്ചതാണ്.
മുൻ ദേവസ്വം ബോർഡ് ഉദ്യോഗസ്ഥനാണ് ഇതിനു പിന്നിൽ. ദേവസ്വം ബോർഡിനു വീഴ്ച സംഭവിച്ചിട്ടില്ലെന്നും പത്മകുമാർ കൂട്ടിച്ചേർത്തു. സ്വർണം അടക്കം വിലപ്പിടിപ്പുള്ള വസ്തുക്കൾ സൂക്ഷിക്കുന്ന ഉദ്യോഗസ്ഥർ പുതിയ ആൾ വരുമ്പോൾ കൃത്യമായി ചുമതല കൈമാറുന്ന കാര്യത്തിൽ വീഴ്ച സംഭവിച്ചിട്ടുണ്ടെന്നാണ് കണ്ടെത്തിയിട്ടുള്ളതെന്നും അദ്ദേഹം പറഞ്ഞു.
സ്വർണത്തിൽ കുറവ് ഒന്നും ഉണ്ടായിട്ടില്ല. പുതിയ ഉദ്യോഗസ്ഥർ വരുമ്പോൾ പഴയ ആൾ സ്വർണത്തിന്‍റെ കണക്കുകൾ കൈമാറുന്ന പതിവ് നേരത്തെ ഉണ്ടായിരുന്നു. എന്നാൽ കഴിഞ്ഞ ആറ് വർഷമായി അത് നടക്കുന്നില്ല. പരിശോധനയിൽ എന്തെങ്കിലും അപാകത കണ്ടെത്തിയാൽ ദേവസ്വം ബോർഡ് നടപടി സ്വീകരിക്കുമെന്നും അദ്ദേഹം പറഞ്ഞു.
