ചെന്നിത്തലയെ പരിഹസിച്ച് മുഖ്യമന്ത്രി. യജമാനന്മാര്ക്ക് പിന്നാലെപോയി നാണംകെട്ടവര് ചോദ്യം ചോദിച്ച് വരരുതെന്ന് പ്രതിപക്ഷ നേതാവ് രമേശ് ചെന്നിത്തലയോടായി മുഖ്യമന്ത്രി പിണറായി വിജയന്. യജമാനന്മാര്ക്ക് പിന്നാലെപോയി നാണംകെട്ടവര് ചോദ്യം ചോദിച്ച് വരരുത്. യജമാനന്മാരെന്ന് തോന്നിപ്പിക്കുന്നവരുടെ വാക്കുകേട്ട് നിലപാട് മാറ്റിയവരാണിവര്. വ്യക്തിപരമായ അഭിപ്രായം പോലും ഇവര് മാറ്റിവച്ചെന്നും മുഖ്യമന്ത്രി പരിഹസിച്ചു.വനിതാമതില് എന്തിനാണെന്ന് തുടങ്ങി പ്രതിപക്ഷ നേതാവിന്റെ 10 ചോദ്യങ്ങള്ക്ക് മറുപടി പറയുമ്ബോഴായിരുന്നു മുഖ്യമന്ത്രിയുടെ പരിഹാസം. വനിതാമതിലിന്റെ വിഷയം ശബരിമല സ്ത്രീപ്രവേശം മാത്രമല്ലെന്നു മുഖ്യമന്ത്രി പറഞ്ഞു. സ്ത്രീകളുടെ പൊതുവായ അവകാശങ്ങള് സംരക്ഷിക്കാനാണ് വനിതാമതില്. ഖജനാവില്നിന്ന് വനിതാമതിലിന് വേണ്ടി ഒരു കാശ് പോലും എടുക്കില്ല. ക്ഷേമപെന്ഷനില്നിന്ന് പണം വാങ്ങിയെന്നത് ശുദ്ധ അസംബന്ധമാണെന്നും മുഖ്യമന്ത്രി പറഞ്ഞു. കൈയിട്ടു വാരുന്ന പാരമ്പര്യം കമ്മ്യൂണിസ്റ്റുകാരുടേതല്ല. അത്തരം പരാതികള് സംബന്ധിച്ച് തെളിവ് ലഭിച്ചാല് അന്വേഷിക്കാമെന്നും മുഖ്യമന്ത്രി ഉറപ്പ് നല്കി.
വനിതാമതില്; ചെന്നിത്തലയെ പരിഹസിച്ച് മുഖ്യമന്ത്രി
RELATED ARTICLES