റാന്നി ഉതിമൂട് സ്വദേശിനി അജേഷ് ഭവനില് അശ്വതി (19) ദാരുണമായി കൊല്ലപ്പെട്ട സംഭവത്തിൽ ഭർത്താവു അറസ്റ്റിൽ . കുന്നന്താനം മുക്കട കോളനിയില് 27 വയസ്സുകാരനായ സുബിനെയാണ് കറുകച്ചാല് പൊലീസ് അറസ്റ്റ് ചെയ്തത്. കറുകച്ചാലില് വെച്ചാണ് യുവതി തലയ്ക്ക് അടിയേറ്റു മരിച്ചത്. കഞ്ചാവിന്റെ ലഹരിയില് ഭാര്യയെ അടിച്ചു കൊല്ലുകയായിരുന്നുവെന്നാണ് യുവാവിന്റെ മൊഴി. കഴിഞ്ഞദിവസം രാത്രി 11.30 നു ശാന്തിപുരം കാവുങ്കല്പടിയിലായിരുന്നു സംഭവം.
വിവാഹശേഷം ചിങ്ങവനത്ത് വാടക വീട്ടില് താമസിച്ച് വരുകയായിരുന്നു ഇവര്. സുബിന് പലപ്പോഴും അശ്വതിയെ ക്രൂരമായി മര്ദ്ദിക്കാറുണ്ടെന്ന് അയല്വാസികള് പറയുന്നു.
സംഭവത്തെപ്പറ്റി പൊലീസ് പറയുന്നതിങ്ങനെ;
ലഹരിക്ക് അടിമയായ സുബിന് രാത്രി അശ്വതിയുമായി വഴക്കുണ്ടായി. തുടര്ന്ന് ഉപദ്രവിക്കുകയും പല തവണ ഭിത്തിയില് തല ഇടിപ്പിക്കുകയും ചെയ്തു. വീട്ടിലുണ്ടായിരുന്ന വിറകു കമ്ബു കൊണ്ടു തലയില് അടിച്ചു. ബോധം നഷ്ടപ്പെട്ട അശ്വതിയെ ഇയാള് വലിച്ചിഴച്ചു കുളിമുറിയില് കൊണ്ടുപോയി തലയില് വെള്ളം ഒഴിച്ചു. ശബ്ദം കേട്ട് ഉണര്ന്ന അയല് വാസികള് കറുകച്ചാല് പൊലീസില് വിവരമറിയിക്കുകയായിരുന്നു.
അബോധാവസ്ഥയിലായിരുന്ന അശ്വതിയെ പൊലീസ് എത്തി ആംബുലന്സിലാണു കോട്ടയം മെഡിക്കല് കോളജ് ആശുപത്രിയിലെത്തിച്ചത്. ചികിത്സയിലിരിക്കെ വെള്ളിയാഴ്ച രാവിലെ 6.45 നു യുവതി മരിച്ചു. പൊലീസിനെ കണ്ടയുടന് അക്രമാസക്തനായ സുബിനെ ബലം പ്രയോഗിച്ചാണു ജീപ്പില് കയറ്റിയത്.
ജീപ്പിന്റെ പിന്ഭാഗത്തെ ചില്ല് പ്രതി തല കൊണ്ട് ഇടിച്ചു തകര്ത്തു. പരുക്കേറ്റ സുബിനെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു. 6 മാസം മുന്പാണ് ഇവര് കറുകച്ചാല് മാമുണ്ട കാവുങ്കല്പടിയില് വീടു വാടകയ്ക്കെടുത്തു താമസം ആരംഭിച്ചത്.