ആറ്റുകാല് ക്ഷേത്രത്തിലും ചക്കുളത്ത് കാവിലും പുരുഷന്മാരെ പ്രവേശിപ്പിക്കണമെന്നും ആര്ത്തവ കാലത്ത് മുസ്ലിം സ്ത്രീകള്ക്ക് പള്ളിയില് പ്രവേശനം നല്കണമെന്നും ആവശ്യപ്പെട്ട് ഡല്ഹി ഹൈക്കോടതിയില് ഹര്ജി. നോയിഡ ആസ്ഥാനമായുള്ള ഒരു എന്ജിഒ പ്രവര്ത്തകന് സഞ്ജീവ് കുമാറാണ് വിചിത്രങ്ങളായ ആവശ്യങ്ങളുന്നയിച്ച് ഹര്ജി നല്കിയത്. ശബരിമല വിധിയെ അസ്പദമാക്കി ആവശ്യങ്ങളുന്നയിച്ച ഇദ്ദേഹം, ക്രൈസ്തവ സ്ത്രീകളെ വൈദികരും ബിഷപ്പും ആക്കാന് അനുവദിക്കണമെന്നും ആവശ്യപ്പെടുന്നു. ആറ്റുകാലിലും ആസാമിലെ കാമാഖ്യ ക്ഷേത്രത്തിലും പുരുഷന്മാരെ കയറ്റാത്തതു വിവേചനമാണെന്നാണ് ഹര്ജിയിലെ വാദം. ആര്ത്തവ കാലത്ത് മുസ്ലീം സ്ത്രീകളെ വ്രതം നോക്കാന് അനുവദിക്കണം, ഹിന്ദു സ്ത്രീകള്ക്ക് അടുക്കളയില് കയറാന് അനുവദിക്കണം, പാഴ്സി സ്ത്രീകളെ ദേവാലയത്തില് പ്രവേശിപ്പിക്കണം, മുസ്ലിം പള്ളികളില് പുരുഷനൊപ്പം സ്ത്രീകള്ക്കും പ്രാര്ഥിക്കാന് അവസരം നല്കണം, മുസ്ലിം സ്ത്രീകളെ ഇമാമാക്കാനും ഹിന്ദു സ്ത്രീകളെ പൂജാരിമാരാകാനും അനുവദിക്കണം തുടങ്ങിയ ആവശ്യങ്ങളും ഹര്ജിയില് ഉന്നയിച്ചിട്ടുണ്ട്.
ആറ്റുകാല് ക്ഷേത്രത്തിലും ചക്കുളത്ത് കാവിലും പുരുഷന്മാരെ പ്രവേശിപ്പിക്കണമെന്ന് ഹര്ജി
RELATED ARTICLES