പേരാമ്ബ്രയിലെ പതിനാലുകാരിയുടെ മരണം ഷിഗെല്ല വൈറസ് ബാധിച്ചെന്ന് സംശയം. പെണ്കുട്ടിയുടെ രണ്ട് ബന്ധുക്കള് സമാന രോഗ ലക്ഷണങ്ങളോടെ കോഴിക്കോട് മെഡിക്കല് കോളേജില് ചികിത്സയിലാണ്.
ഞായറാഴ്ചയാണ് ഒമ്ബതാം ക്ലാസ് വിദ്യാര്ഥിനി സനുഷ മരിച്ചത്. ഇതിന് പിന്നാലെയാണ് കുട്ടിയുടെ മുത്തച്ഛനെയും സഹോദരിയെയും സമാനരോഗ ലക്ഷണങ്ങളോടെ ആശുപത്രിയില് പ്രവേശിപ്പിച്ചത്.
ശക്തമായ വയറിളക്കത്തെയും ഛര്ദ്ദിയെയും തുടര്ന്ന് സനുഷയെ ഒരാഴ്ച മുമ്ബ് പേരാമ്ബ്ര താലൂക്ക് ആശുപത്രിയില് പ്രവേശിപ്പിച്ചിരുന്നു. രോഗം മൂര്ച്ഛിച്ചതോടെ ചികിത്സയ്ക്കായി കോഴിക്കോട് മെഡിക്കല് കോളേജിലേക്ക് കൊണ്ടും പോകുംവഴിയാണ് സനുഷ മരണപ്പെട്ടത്.
പിന്നീട് രോഗം സ്ഥിരീകരിക്കുന്നതിനായി മൃതദേഹം പോസ്റ്റുമോര്ട്ടത്തിന് അയച്ചിരുന്നു. എന്നാല്, പോസ്റ്റുമോര്ട്ടം റിപ്പോര്ട്ട് ഇതുവരെ ലഭിച്ചിട്ടില്ല.