ശബരിമലയിൽ യുവതികൾ പ്രവേശിച്ചാൽ നട അടച്ചിടാന് പ്രത്യേക തന്ത്രം ആവിഷ്കരിച്ചിരുന്നുവെന്ന വെളിപ്പെടുത്തലുമായി രാഹുല് ഈശ്വര്.
രക്തംവീഴ്ത്തി അശുദ്ധമാക്കാന് സദാ സന്നദ്ധരായി 20 പേര് നിലയുറപ്പിച്ചിരുന്നുവെന്ന് വെളിപ്പെടുത്തല്. കയ്യില് സ്വയം മുറിവേല്പിച്ച് രക്തം വീഴ്ത്താനായിരുന്നു പദ്ധതി. മാധ്യമ പ്രവര്ത്തകരുമായി സംസാരിക്കുന്നതിനിടെ അയ്യപ്പ ധര്മ സേന പ്രസിഡന്റ് രാഹുല് ഈശ്വറിന്റേതാണ് ഈ വെളിപ്പെടുത്തല്. ഇതായിരുന്നു ഞങ്ങളുടെ പ്ലാന് ബി. സര്ക്കാരിനു മാത്രമല്ല, ഞങ്ങള്ക്കും വേണമല്ലോ പ്ലാന് ബിയും സിയും.
ശബരിമല അയ്യപ്പശാസ്താവിന്റെ സന്നിധി രക്തം വീണോ മൂത്രം വീണോ അശുദ്ധമായാല് മൂന്നു ദിവസം നട അടച്ചിടുന്നതിന് ആരുടെയും അനുവാദം ആവശ്യമില്ല. നട തുറക്കണം എന്നു പറയാന് ആര്ക്കും അധികാരവുമില്ല. ഈ സാധ്യത പരിഗണിച്ചായിരുന്നു ഇങ്ങനെ ഒരു സംഘം തയാറായി നിന്നത്. ഇനി വരാനിരിക്കുന്ന ദിവസങ്ങളിലും ഈ സംഘം സന്നിധാനത്തുണ്ടാവുമെന്നും അദ്ദേഹം വ്യക്തമാക്കി.
സുപ്രീം കോടതി അനുകൂല വിധി നല്കിയില്ലെങ്കിലും ആചാര സംരക്ഷണത്തിനായി മുന്നോട്ടു പോകുന്നതിനാണു ഭക്തരുടെ തീരുമാനം. യുവതീ പ്രവേശത്തെ ഭരണഘടന അനുവദിക്കുന്ന മാര്ഗങ്ങളുപയോഗിച്ച് ഏതു വിധേനയും തടയുമെന്നും രാഹുല് ഈശ്വര് പറഞ്ഞു.